म्यानमारया नेतृ आङ सान सुकी ज्वःगु दु । वयकःयात सेनां हिरासतय् तःगु दु धका वयकःया पार्टी नेशनल लिग फर डेमोक्रेटिकं धाःगु दु ।

छु ई न्ह्यः म्यानमार सरकार व सेना दथुइ तनाव जुगु खःसा सुकीयात हिरासतय् काःगु दु। सुकींयात हिरासतय् कायेवं आः म्यानमारया सत्ताय् ह्यूपा? वइगु आशंका याना हःगु दु । सुकीया पार्टी नेशनल लिग फर डेमोक्रेटिकं नोभेम्बर महिना जुगु चुनावय् यक्को मतं त्याःगु खः । तर सेनां धाःसा थ्व  चुनावय् धाँधली जुगु दाबी याःगु खः । सेनां म्यानमारय् थौंया संसद बैठक स्थगित यायेत आह्वान याःगु खः ।

नेशनल लिग फर डेमोक्रेटिक पार्टीया प्रवक्तां प्रजातन्त्रवादी नेतृ सुकी, राष्ट्रपति विन मिंट व मेम्ह छम्ह नेतायात हिरासतय् काःगु धका रोयटर्सयात उदृत यासे बीबीसीं धाःगु दु । आः म्यानमारया राजधानी नेपिटाब व मेगु मुख्य सहरया सतकय् सेनापिनिगु यक्को उपस्थित खनेदु। राजधानीया टेलिफोन व इन्टरनेट सेवाय् तक प्रतिबन्ध तःगु दु ।

सुकीें १५ दँ तक नजरबन्दया जीवन बिते याय धुकुगु दु। सुकीं सन् १९९१ य् नोबेल शान्ति पुरस्कार काये धुकुम्ह खः ।

Categorized in अन्तर्राष्ट्रिय