पुनःस्थापित नेकपा एमालेया वरिष्ठ नेता माधवकुमार नेपाल पाखेया स्थायी कमिटी सदस्यपि सहलह यायेगु तयारी यानाच्वंगु दु।

एमालेया पुनर्संरचनाबारे सहलह यायेगुलि लगे जुगु दु । म्हिगः जक माधव नेपाल निकट केन्द्रीय सदस्यपिनिगु बैठक च्वंगु खः । उगु केन्द्रीय कमिटी बैठकय् सहमतिबारे थप सहलह यायेगु त्यःगु खः धका छम्ह नेतां धाःगु

माओवादी नाप एकीकरण याये न्ह्यः एमालेया स्थायी कमिटीपाखे माधव नेपाल निकट ११ स्थायी कमिटी सदस्यपि दु । निम्ह वरिष्ठ नेता झलनाथ खनाल व नेपाल, स्वम्ह उपाध्यक्ष युवराज ज्ञवाली, अष्टलक्ष्मी शाक्य व भीम रावल, उपमहासचिव घनश्याम भूसाल, स्वम्ह सचिव गोकर्ण विष्ट, भीम आचार्य व योगेश भट्टराई, सदस्य सुरेन्द्र पाण्डेपि दु।

वामदेव गौतम तटस्थ च्वना च्वंगु दु व विद्यादेवी भण्डारी राष्ट्रपति जुयादीगु दु सा अध्यक्ष केपी शर्मा ओली स्थायी कमिटीइ अल्पमतय् दु । ओली नाप महासचिव ईश्वर पोखरेल, उपमहासचिव विष्णुप्रसाद पौडेल, निम्ह सचिव प्रदीपकुमार ज्ञवाली व पृथ्वीसुब्बा गुरुङ, सदस्यपि किरण गुरुङ, छविलाल विश्वकर्मा व शंकर पोखरेलपि खः ।

माओवादी नाप एकता लिपा ओलीपाखे विष्णु रिमाल व रघुवीर महासेठ नाप नेपालपाखे वेदुराम भुसाल व रघुजी पन्तपि थपे जुगु खः ।

Categorized in राजनीति