दक्षिण प्रशान्त महासागरय् शक्तिशाली भुखाय् ब्बःगु दु । भुखाय् ब्बःगुलि अन सुनामी वयेफु धका चेतावनी बिःगु दु ।

अमेरिकी भूवैज्ञानिक एजेन्सीया कथं बुधवाः बहनि ७.७ म्याग्निच्युटया भुखाय् ब्वःगु दु धका धाःगु दु। उगु भुखाय् लोयल्टी द्वीप समूहपाखे १० किलोमिटर दक्षिण पूर्वी क्वय् धका धाःगु दु । थुकिया धक्का न्यूजील्याण्डपाखे इन्डोनेसिया तक महसुस जुगु खः । तर अय्न उगु भुखाचं गुलि क्षति जुल उकिया विवरण धाःसा मवनि ।

थ्वया दथुइ अष्ट्रेलियाय् मौसम एजेन्सी न दक्षिण प्रशान्त महासागरय् ७.७ म्याग्निच्युटया भुखाय् या कारण सुनामी वःगु पुष्टि जुगु दु ।

व्यूरो अफ मेट्रोलोजी अष्ट्रेलियां सुनामीपाखे लर्ड होवे द्वीप जोखिमय् दुगु धका चेतावनी बिःगु दु । अथेहे अमेरिकी सुनामी चेतावनी केन्द्रं भानुआटु व फिजीइ सुनामीया लहर १ निसे ३.३ फुट च्वय् तक वयेफइगु चेतावनी बिःगु दु।

Categorized in अन्तर्राष्ट्रिय