नेकपा प्रचण्ड–माधव समूह न राजनीतिक दलसम्बन्धी ऐनया दफा ४३ व ४४ कथं आधिकारिता दाबी निर्वाचन आयोगय् पेश याःगु दु।

अध्यक्षपि पुष्पकमल दाहाल प्रचण्ड व माधवकुमार नेपाल नाप नेतापि आयोगय् वना नेपाल कम्युनिस्ट पार्टी (नेकपा)या आधिकारिकता दाबी पेश याःगु दु। प्रतिनिधिसभा विघटन नाप विभाजित नेकपाया प्रचण्ड–माधव समूह नं केपी शर्मा ओलीयात अध्यक्षय् हटे याना माधवकुमार नेपालयात अध्यक्ष ल्यःगु खः। अथेहे ओली समूह न केन्द्रीय कमिटी विस्तार यासे उगु हे विवरण अध्यावधिक यायेत आयोगयात पौं छ्वःगु खः।

तर आयोगं ११ माघय् निगु हे पक्षयाःगु दाबीयात माने  मयाःगु खः। अथे जुया राजनीतिक दलसम्बन्धी ऐन कथं आधिकारिता दाबी यासे प्रचण्ड–माधव समूहया नेतापिन्स धाःगु खः।

उमित आयोगं माघ १२ या लिसःपौं छ्वया २५ प्रतिशत केन्द्रीय सदस्यया बैठक माग याःसे व उगु कथं सोमवाः बैठक च्वनागु धका नेता राजेन्द्र पाण्डे न धाःगु दु ।

Categorized in राजनीति