२०८० चैत्र १६, शुक्रबार

थौं पृथ्वी जयन्ती

डंगोल | त्रयोदशी थिंलागा ११४१ (२०७७ पौष २७) सोमबाः

नेपाल एकिकरणया नायक धयातःम्ह पृथ्वीनारायण शाहया २सः व ९९क्वःगु बुदिं थौं देय्न्यंक थीथी ज्याझ्वः यानाः हनाच्वंगु दु ।
 
नागरिक तगिमं ग्वसाः ग्वइगु पृथ्वी जयन्ती अले राष्ट्रिय एकता दिवस समारोहस देय्या थीथी मनूतय् ब्वति दइगु धाःगु दु ।
 
सिंहदरबार पश्चिम मूध्वाखाय् दुगु पृथ्वीनारायण शाहलया झ्वाताय् स्वांमाः कोखायेकाः वय्कःयात लुमंकेत्यंगु दु ।
 
विसं १७७९ पुस २७ गते गोर्खाय् बूम्ह पृथ्वीनारायण शाहं कुचा दलाच्वंगु राज्ययात एकीकरण यानाः आधुनिक नेपाल दयेकूगु धयावःगु दु ।
 
नेपाली सेनां नं सैनिक मुख्यालय जङ्गी अड्डाय् दुगु पृथ्वीनारायण शाहया झ्वाताय् स्वांमाः कोखायेका तःजिक ज्याझ्वः हनाच्वंगु दु ।
 
 
 
Categorized in राष्ट्रिय