निर्वाचन आयोगं नेपाल कम्युनिस्ट पार्टी (नेकपा) या निगु पक्षनाप सहलह यायेत्यःगु दु ।

केपी शर्मा ओली व पुष्पकमल दाहाल ‘प्रचण्ड’यात छुट्टाछुट्टै पौं च्वया आयोगं निर्वाचन तयारी व दल दर्ता प्रक्रियाबारे सहलह यायेत बहादुरं भवन कार्यालयय् सःतूगु दु । आयोगया प्रवक्ता राजकुमार श्रेष्ठं निर्वाचन सम्बन्धी विषयय् सहलह यायेत थौं सुथय् ११ बजे निम्ह हे अध्यक्ष व अध्यक्षयात तोके याना आधिकारिक मनूपि न्याम्ह न्याम्हेसित सःतगु जानकारी बिःगु दु।

आयोगं छ्वःगु पौं नेकपाया आधिकारिकता सम्बन्धी विवादबारे सहलह यायेत धाःगु मदु । तर आः नेकपा विवादया सन्दर्भ जुगुलि थुकिइ विषयय् न सहलह यायेत्यःगु दु । थ्व स्वया न्ह्य नेकपाया निगु पक्षं थःत आधिकारिक दावी यासे आयोगय् निवेदन बिःगु खः । तर उगु निवेदनय् निगु हे पक्षया दावी मगाःगु निर्णय आयोगं याःगु खः 

Categorized in राष्ट्रिय