सरकारं नेत्रविक्रम चन्द विप्लव समूह नाप वार्ता यायेत निम्हेसिगु टोली गठन याःगु दु।

गृहमन्त्री रामबहादुर थापा बादल व प्रधानमन्त्रीया परराष्ट्र सल्लाहकार राजन भट्टराईपिनिगु वार्ता टोली गठन याःगु दु धका सरकारया प्रवक्ता सञ्चार तथा सूचना प्रविधिमन्त्री पार्वत गुरुङं जानकारी बियादीगु दु ।

गुरुङं छगु विज्ञप्ति जारी यानादीसे विप्लव समूहनाप वार्तापाखे समस्या समाधान यायेत निम्हेसिगु वार्ता टोली गठन यागु दु धका धयादीगु दु ।

गुरुङं मन्त्रालयय् पत्रकार सम्मेलन यासे सरकार व विप्लव समूह दथुइ याकन हे वार्ताया प्रक्रिया न्ह्या वनिइगु भलसा कयादीगु दु ।

Categorized in राजनीति