नेपाली कांग्रेसया नेता प्रकाशमान सिंह असंवैधानिक रूपं संवैधानिक आयोगय् याःगु नियुक्ति प्रति गम्भीर ध्यानाकर्षण जूगु दु धका धयादीगु दु।

संसदीय सुनुवाइ समिति मदुगु इल्य् संविधानयात हिस्याय् थेयाःगु नियुक्तिं प्रधानमन्त्रीया अन्तरनिहित जि हे खः संविधान धइगु दम्भ उजागर याःगु दु धका वयकलं धयादीगु दु । कोरम मगागु संवैधानिक परिषद्या बैठकं सिफारिस याःगु असंवैधानिक ज्या जुगु धका वयकलं धयादीगु खः । नेता सिंहं बुधवाः जारी याःगु विज्ञप्तिइ अथे धयादीगु खः, ‘थौं याःगु सपथ असंवैधानिक सिफारिसयात मान्यता बिइगु लागि याःगु मेगु असंवैधानिक पलाः खः ।

संविधानयात हाःचा गाया न्ह्यने वनेत सरकारं अधिनायकवादी आकांक्षाया निन्दा न्हाकू यासा कम जुइ।’ सरकार व सरकारया असंवैधानिक ज्या व यः थे याःगु कारण न्ह्यगु दशक ताहाकःगु संघर्ष व तधःगु  बलिदानीपाखे वःगु उपलब्धिया रूपय् दुगु संविधान संकटय् वःगु धका वयकः न धयादीगु खः। ‘आः न सचेत मजुसो देश गम्भीर संवैधानिक व राजनीतिक दुर्घटनाय् वनिइगु निश्चित दु ।

सरकारं संविधान हाःचा गाया असंवैधानिक सफारिस, नियुक्ति, विचौलियापिन्त नियम मिचे याना बिःगु ठेक्कापट्टा बिइगु धका धयादीगु दु । म्वाःमदुगु नियुक्ति व राज्यस्रोतया दुरूपयोग यासे ज्ञानेन्द्र शैलीइ याःगु सभा सम्मेलन देय् यात अस्थिरतापाखे घ्वाना यकूगु खनेदु।’ विज्ञप्तिइ उल्लेख याःगु दु ।

Categorized in राजनीति