प्रतिनिधिसभा पुनःस्थापना व निर्वाचन निगु हे विकल्प दु, नेता निधि
लहनान्युज | पोहेलागा द्धादशी ११४१, माघ २६ सोमवाः
नेपाली कांग्रेसया उपसभापति विमलेन्द्र निधि न पार्टी नाप प्रतिनिधिसभा पुनःस्थापना व निर्वाचन निगु हे विकल्प दुगु व लोकतन्त्र रक्षाया लागि निगुलि हे आत्मसात् यायेत तयार दु धका धयादीगु दु।
नेपाल प्रेस युनियन पर्सा शाखापाखे थौं वीरगञ्जय् याःगु पत्रकार सम्मेलनय् नेता निधिं वर्तमान राजनैतिक परिस्थितिया कारण देशय् संकट वःगु धका धयादीसे समाधानया लागि प्रतिनिधिसभा पुर्नस्थापना वा निर्वाचनय् वनेमाः धका धयादीगु खः।
सञ्चारकःमिया छगु न्ह्यसःया लिसलय् वयकलं पूर्वउपप्रधानमन्त्री निधिं प्रतिनिधिसभा विघटनया विषय संवैधानिक वा असंवैधानिक छु खः धका अदालतं निर्णय याइ धका धयादीगु दु।
नेता निधिं कांग्रेस जक मखु नेपाली जनता व राजनीतिक दलया छगु हे जक उद्देश्य धइगु प्रतिनिधिसभा निर्वाचन खः। थुकिया लागि न्ह्यागु हे परिस्थितिया सामना यायेत पार्टी तयार दु धका धयादीगु दु।
Categorized in राजनीति
