नेकपा अध्यक्ष पुष्पकमल दाहाल ‘प्रचण्ड’ नं, प्रधानमन्त्री केपी शर्मा ओली सहिदपिनिगु बलिदानपाखे दयेकुगु संविधान व संघीय लोकतान्त्रिक गणतन्त्रयात न्याये फइ धका भ्रमय् दुगु धका धयादीगु दु ।

प्रचण्डं थुगु भ्रमपाखे याकन हे मुक्त जुइ धका धयादीगु दु। पार्टी कार्यालय पेरिसडाँडाय् २६ क्वःगुं जनयुद्ध दिवसया लसताय् जुगु ज्याझ्वलय् सम्बोधन यासे प्रचण्डं धयादगु दु, ‘थ्व हेक्का तयेमाः, इतिहासया उगु महान सहिदपिनिगु गुवलय् सी मखु । उपि जारौं सहिदपि िसीत धइगु प्रतिक्रियावादी सत्ताधारीपिनिगु बिचाः दु अज्यागु यक्को भ्रमय् दु ।

केपी ओलीपिन्स उपि हजारौ सहिदपिनिगु हिंपाखे संविधान व संघीय लोकतन्त्रयात न्याये फइ धका धयादीसे उपि तसकं भ्रमय् दु । उपि याकन हे भ्रम मुक्त जूसा तसक बालाइ धका जि सुझाव बिइ चाहे जु ।’ कम्युनिस्ट आन्दोलनयात एकताबद्ध यायेगु, देशय् राजनीतिक स्थायित्व व विकास पाखे यकेगु जमर्को यानागु दक्षिणपन्थी कित्तापाखे प्रहार जूगु धका प्रचण्डं धयादीगु दु ।

संघीय लोकतान्त्रिक गणतन्त्रया न्हापाम्ह निर्वाचित प्रधानमन्त्री जुयागु इलय् थम्हेसिया जनयुद्ध व जनआन्दोलनया दक्को सहिदयात राष्ट्रिय सहिद घोषणा यायेगु निर्णय यानागु खःसा छु प्राविधिक कमजोरी जुगुलि आःतक उगु निर्णय नं औपचारिकता काये मफुगु धका वयकः नं धयादीगु खः । वयकलं उगु औपचारिक स्वरुप बिइगु व दक्को सहिदपिन्स सम्मान यायेगु खँ निरन्तर न्ह्यने यकेगु प्रतिबद्धता यानादीगु खः ।

Categorized in राजनीति