प्रचण्ड–माधव समूह नं थौं येँ शक्ति प्रदर्शन नाप विरोध सभा याये त्यःगुलि स्वनिलय् ट्राफिक व्यवस्थापन प्रभावित जुगु दु।

यातायात आवागमनयात व्यवस्थित यायेगु कुतलय् सुथनिसे डाइभर्सन सुरु याःगु दु । तग्वःगु गाडीयात चक्रपथ दुने प्रवेशय् रोके याःगु दु तग्वःगु गाडीयात चक्रपथ जःखः रोके याःगु दु। कालीमाटी, थापाथली, लैनचौर, रत्नपार्क, पुतलीसडक थासं वःगु गाडीयात डाइभर्सन याःगु दु । वैकल्पिक सडकय् न सवारी साधनया जाम सुरु जूगु दु ।

थौं जुइगु विरोधसभा यायेगु न्ह्यः पुल्चोक, माइतीघर मण्डला, केशरमहल, त्रिपुरेश्वर व जमलपाखे सुथय् बिहान ११ बजे निसे जुलुस सुरु जुइगु फु धका प्रचण्ड–माधव समूहया संघर्ष समितिं धाःगु दु ।

उगु जुलुस सुन्धाराय् थ्यका मूल जुलुसय् मुना भृकुटीमण्डप थ्यका सभाय् परिणत जुइगु खः। पुल्चोकपाखे पिहावइगु जुलुस कुपण्डोल, थापाथली, त्रिपुरेश्वर जुया सुन्धारा मुना मुल जुलुसय् हिलिइ ।

त्रिपुरेश्वरपाखे पिहावइगु जुलुस सुन्धारा थ्यका मुल जुलसय् हिलिइ । माइतीघर मण्डलापाखे पिहा वइगु जुलुस थापाथली, त्रिपुरेश्वर जुया सुन्धारा वकिइगु खः। अथेहे मेमेगु जुलुस केशरमहल, जमलपाखे न जुलुस वनेत्यःगु दु ।

Categorized in राष्ट्रिय