जनता समाजवादी पार्टीया अध्यक्ष उपेन्द्र यादवं नेकपा एमालेनाप सत्ता सहकार्य जुइ मखु धका धयादीगु दु ।

रुपन्देहीया लुम्बिनी साँस्कृतिक नगरपालिकाय् जुगु पार्टीया ज्याझ्वलय् यादवं धयादीगु दु, ‘प्रतिगामी नाप छु न सहकार्य जुइ मखु, प्रधानमन्त्री ओली नाप जुगु वार्ता रेशम चौधरीया रिहाइ जक खः, सत्ता साझेदारीया लागि मखु।’

नेता यादवं कम्युनिष्ट व कांग्रेस निगु हे शक्ति सरकार न्ह्याकेत असफल जुइ धुकल आः सरकारया नेतृत्व थःगु पार्टीयात बिइमाःगु धका धारणा तयादीगु खः ।

सरकारया नेतृत्व यायेत थःगु पार्टी सक्षम दुगु धाःसे केपी ओली नेतृत्वया सरकारय् सहभागी जुइ मखु धका धयादीगु दु ।

Categorized in राजनीति