येँ महानगरपालिकां पुरातत्व विभाग व काठमाडौं क्षेत्र नम्बर ४ या पूर्वसांसद गगन थापायात लिसः पौ छ्वःगु दु । महानगरपालिकां पुरातत्व विभागयात कमलपूखु  पुनर्निर्माणया झ्वलय् समन्वय मयागु द्धपः बिःगु दु। थापायात धाःसा कमलपूखुलि वयागु पहलय् जूगु ज्याया विवरण छ्वया हयेत पौ च्वःगु खः ।

येँ महानगरपालिकाया प्रशासन विभाग प्रमुख महेश काफ्ले न कमलपूखु कंक्रिट छ्यःगु विवादया विषयय् पुरातत्व विभागं थपिन्के समन्वय हे मयास्ये महानगरपालिकायात पौ छ्वया हःगु धका एकपक्षीय रुपं न्हापा हे थीथी सञ्चारमाध्यमपाखे उपलब्ध याःगु धासे ध्यानाकर्षण याःगु दु। ‘टेण्डर प्रक्रियापाखे वःगु निदँ न्ह्य पूखु निर्माणया ज्याया बारे येँ महानगरपालिका नाप छु न राय (परामर्श मयासे छगु पक्षीय कथं अन जूगु पत्राचारं सरकारी निकाय दथुइ समन्वय मजुगु सन्देश प्रवाह जुइ कथं व पुरातात्विक नाप धार्मिक महत्वया स्मारक संरक्षण यायेत थुगु महानगरपालिकाया अभियानमा अवरोध सिर्जना जुइगु खनेदुगु,’ पत्रय् च्वःगु दु,‘थज्यागु प्रकारया समन्वय अभावं पूखुया ज्या इलय् क्वचामखु इलय् ज्या सिमधली खर्च तक अप्वोइगुल पुर्व समन्वय, छलफल व सहकार्य यायेत इनाप याःगु खः।’

येँं महानगरपालिका व वडा नम्बर १ य् येँ महानगरपालिकाया नामय् च्वंगु पत्र ल्याः ०७७ व ०७८ चलानी नम्बर ७९९ या पत्र प्राप्त याये न्ह्यः हे थीथी अनलाइनपाखे सार्वजनिक जुगु धाःसे विभागयात महानगरं ध्यानाकर्षण याकूगु दु। येँ महानगरपालिकाया प्रमुख प्रशासकीय अधिकृत राजेश्वर ज्ञवालीं पुर्नर्निमाण सुरु ज्ुगु ताःई लिपा छु न मखगु पुरातत्व विभागं निर्माणया ज्या लिपागु चरणय् वया थुगु ज्या यागु उचित मखु धका धयादीगु दु। वयकलं लानिपूखु थे कमलपूखु इतिहास मदुगु धका धयादीसे ताःई तक धःया रुपय् दुगु थुगु पूखु महानगरं बालाके त्यनागु खः धका धयादीगु खः। ’ पुरातत्व थे जाःगु राज्यया निकायन तक विकास निर्माणया ज्याय् असहयोग यायेत स्वयेगु बालाु मखु धका महानगरपालिका सहरी पूर्वाधार विभाग प्रमुखं धाःगु दु।

गगन थापायात पौ अथेहे येँ महानगरपालिकाया मेयर विद्यासुन्दर शाक्यं तत्कालीन संघीय सांसद गगन कुमार थापायात तक पौ च्वया कमलपूखु विकास व सुधारया लागि थापां याःगु ज्याया विवरण उपलब्ध याना ग्वाहालि यायेत इनाप याःगु दु। ‘कमल पूखु पुर्नर्निमाणया सन्दर्भय् छिपाखे प्रेषित येँ महानगरपालिकाया प्रमुखयात सम्बोधन याःगु मिति २०७७÷०९÷२६या पत्र प्राप्त जुगु,’ पत्रय् धाःगु दु, ‘सम्वत् २०७६ असारपाखे निर्माण प्रारम्भ जूगु पूखुुया डिजाइन छि नाप पटक—पटक छलफल व अन्तरक्रियापाखे लिपागु इलय् कार्यान्वयनय् वःगु प्रष्ट जू ।

पूखुया विकास व सुधारय् छिगु तक विगतय् यक्को ज्याय् याये धुकगु दु धाःसे सहलहया झ्वलय् छिगुपाखे अभिव्यक्त जुगु खः । छिगु कुतलय् विगतय् पूखुया जःखः नाप विकास व सुधारया ज्याया विवरण उपलब्ध याना ग्वाहालि यायेत इनाप यानागु दु ।’ मेयर शाक्यं प्रस्तावित ढाँचा उगु थाय्या तत्कालीन संघीय सांसद गगन थापा, प्रदेश सांसद, उगु थासय् च्व्पि विज्ञ, जेष्ठ नागरिक, स्थानीय संघ, संस्था नाप पटक—पटक सहलह यानागु खः सकसिगु सहमति ह पूखु पुनर्निर्माणया न्ह्याकगु खः धका धयादीगु खः । ‘कमलपूखु विकास व सुधारया लागि माननिय थापां विगतय् यानागु ज्याया विवरण उपलब्ध याना ग्वाहालि यायेत वयकल पौ च्वयादीगु खः।’

Categorized in राष्ट्रिय