थीथी घटनाय् ४म्ह सीत
पोहेलागा तृतीया ११४१, माघ १८ आइतवाः
कैलालीको घोडाघाडी नगरपालिका–१० य् ट्याक्टर व मोटरसाइकल ल्वाबलय् २म्ह सीत । सीपिं मोटरसाइकलय् सवार २२दँया गोविन्द बुढा व १७दँया मानबहादुर बुढा खः ।
मे १ त ५४२ ल्याःया ट्याक्टरय् बा ९१ प ४०४ ल्याःया मोटरसाइकल वंगु चान्ह्य न्याःगु खः । दुर्घटनाय् गम्भीर घाइते गोविन्द व मानबहादुरया घोडाघोडी अस्पतालय् वासः यायेगु झ्वलय् सीगु प्रहरी जानकारी बिउगु दु ।
ट्याक्टर चालकया प्रहरीं कजय् कयातःगु दु ।
अथेहे सोलुखुम्बुया नेचा सल्यान गाउँपालिका–२ मिं च्याबलय् निम्ह मस्त सीगु दु । स्थानीय टेकबहादुर निरौलाया छेँय् म्हिगः नःगु मिं लाना उपिं सीगु सोलुखुम्बु प्रहरीं पुष्टि याःगु दु ।
मिं नया सीपिं टेकबहादुरया छेपिं ७दँया सुगम व ४दँया सुदिष्मा खः । मातनय् तयातःगु छुसीइ च्वना मस्तय्सं लाइटर म्हिताच्वंबले उगु घटना जूगु अनुमान प्रहरीया दु ।
