भारतीय फि तस्कर व सशस्त्र प्रहरी दथुई ल्वापू जुबले निम्ह प्रहरी घाःपाः
सिल्लाथ्व पारु ११४१, फागुन माघ ३० शुक्रवाः
नेपाः दुहाँ वया फि लिकाय्गु ज्यानाच्वंपिं भारतीय फि तस्कर व सशस्त्र प्रहरी दथुई ल्वापू जूगु दु । ल्वापुया झ्वलय् निम्ह सशस्त्र प्रहरी घाःपाः जूगु दु ।
२४दँया आयुष राय यादव व २५दँया महेश यादव घाःपाः जूगु खः ।
ओररिया खुसिइ फि लिकाना यंकेगु झ्वलय् भारतीइ ट्याक्टरयात कजय् कायेगु ईलय् वय्कपिं घाःपाः जूगु सशस्त्र प्रहरीं न्ह्यथंगु दु ।
पर्साया जगरनाथपुर गाँपालिका–१ पिपडारीया ओरिया खुसिई दँय्दसँ भारतीय फि तस्करपिन्सं फि उत्खनन याना यंकाच्वंगु दु ।
सशस्त्र प्रहरी बोर्डर आउट पोष्ट महादेवपाखे व पिडारीगुठीया संयुक्त पुचलं स्वंग ट्याक्टरयात कजय् कायेगु झ्वलय् ल्वापू जूगु खः ।
भारतीयपिन्सं, कठि, भाठा, बेल्चा, ल्वंतं कयेकूबलय् स्थिति बाँमलाःगु खः । अथेहे कजय्कयातःगु ट्याक्टर नं भारतीयपिन्स लाका कया यंकूगु दु ।
ओरिया खुसिइ दँयदसं थयांगु ज्या जुयाच्वंसा सुरक्षा निकायपिन्सं दिके पूmगु मदुनि ।
भारतीय फि तस्करलिसे तारन्तार विवाद वा ल्वापू जुईधुंकुगु दु । उत्खनन दिकेत स्वइबलय् भारतीयपिन्सं सुरक्षाकःपिन्त तकं ल्हाःवाना, हतियार तकं लाकाकायेगु जुयाच्वंगु दु ।
