एपीएफं चौदण्डीगढी नगरपालिकायात २२÷० बुकल
पोहेलागा पञ्चमी १४११, माघ २० गते मंगलबाः
साविक त्याकुमि सशस्त्र प्रहरी एपीएफं राष्ट्रिय महिला लिग फुटबलय् कीर्तिमानी जित ताःलाकूगु दु ।
एपीएफं म्हिगः सातोदोबाटोया एन्फा कम्प्लेक्सया ख्यःलय् जूगु उदयपुरया चौदण्डीगढी नगरपालिकायात २२÷० या तब्यागु लिच्वलं बुकल ।
न्ह्यानाच्वंगु लिगया आःतकया हे तब्याःगु जित ताःलाकेत सावित्रा भण्डारी ‘साम्बा’ छम्हेसियां हे १२ गोल याःगु खः । सावित्रां मध्यान्तरन्ह्यः ५ गोल व मध्यान्तर लिपा ७ गोल याःगु खः ।
अथेहे कप्तान अनु लामां ५, अनिता बस्नेतं ३ व रेनुका नगरकोटी व सरु लिम्बूं १–१ गोल यात ।
थ्वः जितधुंकाः सशस्त्रं ६गू कासां १८ ल्याः जूगु दु । आःतक्क सशस्त्रं छगोल नं नःगु मदुनि ।
