महान्यायाधिवक्ता अग्नि खरेलं राजीनामा बियादिल, रमेश बडाल न्हूम्ह महान्यायाधिवक्ताय् सिफारिस
लहनान्यूज | चौलाथ्व षष्ठी ११४१, चैत्र ६ शुक्रवाः
महान्यायाधिवक्ता अग्नि खरेलं राजीनामा बियादिगु दु ।
थौं पत्रकार सम्मेलन याना थम्हं राष्ट्रपति विद्यादेवी भण्डारीयाता राजीनामा लःल्हानागु जानकारी बियादिल ।
राजीनामा लिपा महान्यायाधिवक्ता खरेलं आः नेकपा एमालेया सक्रिय राजनीतिइ वयेगु धयादिल ।
पुँलाम्ह कानूनमन्त्री तकं जुयादिम्ह खरेलं वइगु निर्वाचनया नितिं झापापाखें तयारी न्ह्याकेगु स्रोतं धाल ।
थ्वहे दथुई न्हूम्ह महान्याधिवक्ताय् रमेश बडाल सिफारिस जूगु दु । प्रधानमन्त्री ज्याकुथिं महान्यायाधिवक्ताय् बडालया नां राष्ट्रपति समक्ष सिफारिस याःगु खः ।
खरेलया राजीनामा स्वीकृत जुइवं बडाल न्हूम्ह महान्यायाधिवक्ताय् सिफारिस जूगु खः । वय्कलं आइतबाः सपथ काइगु ज्याझ्वः दु ।
