अमेरिकां थः नागरिक तयेत नेपाल भ्रमण मयायेत इनाप
कछलाथ्व पारु ११४१,बैसाख २९ बुधवाः
अमेरिकी सरकारं थः नागरिकयात नेपाल भ्रमण मयायेत सचेत यासें ट्राभल एड्भाइजरी जारी याःगु दु ।
नेपालय् कोरोना भाइरस संक्रमण अप्वःसेंलि अमेरिकाया रोग नियन्त्रण व रोकथाम केन्द्रं नेपाल भ्रमण मयायेत सचेत याःगु खः ।
थुखे नेपालय् अलपत्र जूपिं थः नागरिकपिन्त चाटर्ड उडानपाखें स्वदेश लिहाँ यंकेगु तयारी नं अमेरिकां यानाच्वंगु दु । नेपालय् जेठ १७ गते तक्कया लागि अन्तर्राष्ट्रिय उडान बन्द याःगुलिं येँ च्वंगु अमेरिकी दूतावासं चार्टर्ड उडान पाखें थः नागरिकपिन्त यंकेत नेपाल सरकारलिसे अनुमति फ्वंगु दु ।
अथेहे नेपाल त्वःता अमेरिका वनिपिन्त अनलाईन फारम भरेयायेत व पीसीआर परीक्षण तक्कं यायेत दूतावासं इनाप याःगु दु ।
