२०८० चैत्र १६, शुक्रबार

एपीएफ फाइलन थ्यन, मेगू सेमिफाइनल कासा विहीबाः

राम डंगोल | पोहेलाथ्व चतुर्दशी ११४१, माघ १४ बुधवाः

एपीएफ क्लब प्रधानमन्त्री क्लब छगू दिवसीय मिजं क्रिकेट धेँधेँबल्लाया फाइनलय थ्यंगु दु । 
थौं जूगु न्हापांगु सेमिफाइनलय कासाय् नेपाल पुसिलस क्लबयात ३०गू रनं बुका एपीएफ उपाधि लिकसं थ्यंगु खः । आ उपाधिया नितिं एपीएफं बागमती प्रदेश व त्रिभुवन आर्मी क्लबया त्याकूमिलिसे म्हिती ।
विहीबाः जुइगु मेगु सेमिफाइनल कासा बागमती व आर्मी दथुई धेँधेँबल्ला जुइ ।
एपीएफं बिउगु २सः व ४गू रनया हाथ्याया लिसः ब्याटिङ याना पुलिसं ४९गू ओभर २ बलये आउट जुया सच्छि व ७३गू रन जक देके फत ।
पुलिसया नितिं पवन सर्राफ) ४०गू रन, राशिद खानं ३४, दिपेन्द्र सिंह ऐरीं ३३, अनिल साह २१, आरिफ शेंखं १६ रन देयेकूगु खः । 
पुलिसयात अपूक्क हे बुकेत भुनव कार्कीं ४गू विकेट काल । कमल ऐ, अविनाश बोहोरा व शरद भेषवाकरं २–२गू विकेट काल ।
थ्वसिबें न्ह्यः टस बुना ब्याटिङ याःगु एपीएफं ५०गू ओभरय् ९ विकेट छ्वया २सः व ३गू रन दयेकूगु खः एपीएफ नितिं शंकर राना दकले अप्वः ४४गू रन दयेकूगु खः ।
अथेहे भुवन कार्की ४२, सन्दीप जोरा ३४, सुवा खकुरेल व कमल ऐरी १९–१९ रन दयेकेत ताःलात । 
कप्ता शरद भेषवाकरं १८गू रन दयेकल । अविनास बोहरा ११ रनया अविजित म्हितुबले सूर्य तामा १गू रनया अविजित जूल । पुलिसया आरिफ शेखं ३ विकेट काःगु खः ।
ललित राजवंशी र दिपेन्द्र सिंह ऐरीं २–२गू विकेट काल । थौंया कासां एपीएफ छगू हे कासा मबुसे फाइनल थ्यंगु दु । 
 
Categorized in कासा