आर्मीयात एपीएफं बुकल, निगू टोलीं सेमिफाइनलय्
राम डंगोल | पोेहलाथ्व द्वादशी ११४१, माघ १२ सोमबाः
प्रधानमन्त्री कप पुरुष राष्ट्रिय क्रिकेट अन्तर्गत थौं किपूया ख्यःलय् जूगु कासाय् शसस्त्र प्रहरीया एपीएफं त्रिभुवन आर्मी क्लबयात बुकल ।
किपूया टियू क्रिकेट ख्यःलय् क्वचाःगु कासाय् एपीएफं आर्मीयात ६गू रनं त्याकेत ताःलागू खः ।
टस बुना ब्याटिङ याःगु एपीएफं ४९.४ ओभरय् अलआउट जुया २४० रन दयेकल ।
एपीएपया लागि सुमित महर्जनं ४६ रन दयेकूबलय् सुवास खकुरेलं ३८ रन दयेकल । अथेहे सुन्दीप जोरां नं २८ रन दयेकलसा अमर रौटेलां २६, कप्तान शरद भेषवाकरं २४ व बसन्त रेग्मीं २० रनया योगदान ब्यूगु खः ।
बलिङपाखे आर्मीया हरि चौहान छम्हेसियां हे ५ विकेट काःगु खः ।
अथेहे शहाब आलमं २ विकेट, आकाश चन्द, विक्रम सोब व सुशन भारीं १गू १गू विकेट काल ।
लिसलय् ब्याटिङय् कुहाँवःगु आर्मीया लागि अनिल मण्डलं दक्वले अप्वः ४५ रन दयेकल । राजेश पुलामीं ३३, रोहित पौडेलं ३० व विक्रम सोबं २८ रन काल ।
अथेहे भीम सार्कीं २७ रन यात ।
बलिङपाखे एपीएफया कमल ऐरीं दक्वले अप्वः ३ विकेट काल । भुवन कार्कीं २ विकेट काल धाःसा अभिनास बोहोरां नं १ विकेट काःगु खः ।
थ्वः कासा न्ह्यः हे निगूलीं पुचः सेमिफाइनलय् थ्यनेधुंकूगु खः ।
समूह ए पाखें एपीएफ विजेता जुया सेमिफाइनलमा थ्यंगु खः धाःसा आर्मी उपविजेता जुसें सेमिफाइनलमा थ्यंगु खः । थ्वःसिबेन्ह्यः पुचः बीपाखें बागमती व नेपाल पुलिस क्लब सेमिफाइनलय् थ्यनेधुंकूगु दु ।
Categorized in कासा
