राष्ट्रिय महिला लिग फुटबलय् विभागीय टिम आर्मी व पुलिस त्यात
पोहेलागा त्रयोदशी ११४१, माघ २७ मंगलवाः लहनान्युज
राष्ट्रिय महिला लिग फुटबल अन्तर्गत मंगलबाःया कासाय् विभागीय टिम त्रिभुवन आर्मी क्लब व नेपाल पुलिस क्लब त्याःगु दु ।
आर्मीं स्याङ्जाया वालिङ नगरपालिकायात २÷० बुकुगु खः । सातदोबाटोया एन्फा कम्प्लेक्सनय् जूगु कासाय् आर्मीयात त्याकेत शर्मिला थापा व विमला चौधरीं छगोल–छगोल यात ।
कासाया ८३गू मिनेटय् वालिङया क्यामरुनी डिफेन्डर नोइलीं निगूगु म्हासुगु कार्ड नया कासा ख्यलं पिहाँवनेमागःगु खः ।
अथेहे मंगलबाः हे जूगु मेगु कासाय् नेपाल पुलिस क्लबं विराटनगर महानगरपालिकायात ३÷० गोलं बुकल ।
पुलिसया लागि निरु थापां निगू व निर्मला उपाध्यायं छगोल यात । थ्व कासालिलपा लिग तालिकाय् सशस्त्र प्रहरीया एपीएफ ७गू कासां २१गू ल्यालिसें न्हापांगु थासय् दु धाःसा ८गू कासा म्हिता १९गू ल्यानापं आर्मी निगूगु थासय् लानाच्वंगु दु । पुलिस व वालिङया ८गू कासां समान ११ गू ल्या जूगु दु । १०गू ल्याया विराटनगर ५गू थासय् कुहाँवःगु दु ।
चन्द्रपुर नगरपालि ६गू थासय् लिसे ल्याविहीन चौदण्डीगढी नगरपालिका दकले लिपांगु थासय् दु । बुधबाः न्हापांगु थासय् लानाच्वंगु सशस्त्र प्रहरी एपीएफं रौतहटया चन्द्रपुर नगरपालिका दथुई २ ताः ईलय् कासा म्हितिइ ।
