आर्मी जुल प्रधानमन्त्री कप क्रिकेटया च्याम्पियन
पोहेलागा द्धितीया ११४१, माघ १७ सनिवाः
प्यंगूगु झ्वःया प्रधानमन्त्री कप एकदिवसीय पुरुष क्रिकेट प्रतियोगिताया उपाधि त्रिभुवन आर्मी क्लबलं त्याकूगु दु । आर्मीं फाइनलय् एपीएफ क्लबया ३३ रनं बुकाः प्रधानमन्त्री कपया उपाधि त्याकेत ताःलात ।
किपूया ख्यःलय् जूगु आर्मीं बिउगु २ सय १२ रनया हाथ्यालय् जवाफी ब्याटिङ याःगु एपीएफ ४१ ओभर ३ बलय् अलआउट जुया १ सय ७८ रन जक दयेकूगु खः ।
एपीएफया लागि आसिफ शेखं ६१ रनया अर्धशतकीय इनिङ्स म्हितुसां नं टोलीया त्याके मपूmत । अथेहे शंकर रानां २१ रन, सुमित महर्जनले १९ रन, सुवास खकुरेल १४ रनय् आउट जुल ।
कप्तान शरद भेषवाकर शुन्य रन हे आउट जुल । सन्दीप जोरां २९ रन याबलय् भुवन कार्की ९ रन जक दयेकूगु खः । कमल ऐरी २, अमर रौटेला १ व अविनास बोहोरा शुन्य रनय् आउट जुल ।
आर्मीया जितेन्द्र मुखिया, बिक्रम सोब व शाहब आलमं ३÷३ विकेट काल । सुशन भारीं १ विकेट काल ।
थ्वसिबें न्ह्यः टस बुना ब्याटिङ याःगु आर्मीं ५० ओभर ९ विकेट छ्वया २ सय ११ रन दयेकूगु खः । आर्मीया लागि हरी चौहानं दकले अप्वः ५८ रनया अर्धशतकीय इनिङ्स म्हितल ।
राजेश पुलामीले २८ रन, लोकेश बमले १५, शाहब आलम २५ रन याःगु खः । उपाधिलिसें आर्मीं १० लाख प्राप्त याःगु दु । उपविजेता जूगु एपीएफं ५ लाख कायेत ताःलात । आर्मीया थ्व न्हापांगु उपाधि खः ।
