आर्सनलं न्युकासल युनाईटेडयात बुकल
डंगोल | पोहेलाथ्व षष्ठी ११४१, माघ ६ मंगलवाः
इंग्लीश प्रिमियर लिग फुटबलय् आर्सनलं न्युकासल युनाईटेडयात ३–० गोलं बुकूगु दु ।
वंगु चान्हय् थःगु हे ख्यलय् जूगु कासाय् आर्सनलयात त्याकेबीत पिएरे एमरिक औबामायङ्गं निगोल व बकायो साकां छगोल याःगु दु ।
न्यूकासल युनाईटेडं गोल यायेमफुत । कासा त्याकेधुंकाः आर्सनल १९गु कासापाखें २७गु ल्या मुंकाः धलःया झिगूगु थासय् थ्यंगु दु । १८गु कासापाखें १९गु ल्या मुंकूगु न्यूकासल १५गूगु थासय् दु ।
प्रिमियर लिगय् १८गु कासापाखें ३७गु ल्या मुंकूगु म्यान्चेस्टर युनाईटेड दकले न्ह्यःनय् दु । छगु कासा म्ह्वों म्हितूगु म्यान्चेस्टर सिटी ३५गु ल्यानाप निगूगु थासय् दु ।
स्वंगूगु थासय् दुगु लेष्टर सिटीया ३५गु ल्या दु । साविक त्याकूमि लिभरपुल ३४गु ल्यानाप प्यंगूगु थासय् दु ।
Categorized in कासा
