किपूलिइ स्वन्हूयंक न्ह्यात कला व संगीत मेला
सिल्लाथ्व तृतीया ११४१, फागुन २ आइतवाः
‘कीर्तिपुर आर्ट एण्ड म्युजिक मेला २०२१’ शनिबाः निसें किपूलिइ न्ह्याःगु दु । स्वन्हूयंक न्ह्याइगु उगु मेलाय् गीत, संगीत, वाल पेन्टिङ, ट्याटु थेंजाःगु दक्व कलायात कःघानागु तःगु दु ।
कोरोना भाइरसया हुनिं ज्याः मदेका छेँ च्वनाच्वंपिं कलाकार व उमिगु मानसिक अवस्थायात ध्यान ब्यूसें मेला यानागु आयोजकं धयादिल ।
उगु मेलाय् १८ निसें २५ दँया ५०म्ह कलाकारपिनिगु ब्वःति दु । मेलाय् सुर्खेत, दाङ लिसें थीथी थाय्या कलाकारपिनिगु ब्वःति दु ।
मेलाया नितिं उमिसं थःगु हे ध्येबा व एक्ता इभेन्ट एण्ड क्रियटिभ म्यानेजमेन्टया ५०द्व या ग्वहालिं मेला न्ह्याकेत ताःलागु आयोजकं धयादिल ।
किपू नगरपालिका न ५०द्व व किपूलिइ किपाः च्वयेगु अनुमति बियादिइगु आयोजकं धयादिल ।
