येँया ठूलोभ¥याङय् एनआईसी एसिया बैंकया एटीएम मेसिन तछ्याना ध्यवा खुइत स्वयाच्वम्ह छम्हेसित प्रहरी ज्वःगु दु ।

उम्ह मनू बैतडीे महादेवस्थान गाँउपालिका ५ य् च्वम्ह थौंकन्ह्य येँ महानगरपालिका १६ माछापोखरी च्वनाच्वम्ह २८ दँ दुम्ह कमलबहादुर धानुकयात प्रहरी ज्वःगु खः।

महानगरीय प्रहरी वृत्त स्वयम्भुपाखे खटे जुया वःगु प्रहरी टोलीं नागार्जुन नगरपालिका २ या ठूलोभ¥याङय् उगु बैंकया एटीएम तछ्याना च्वंगु इलय् थौं सोमवाः वयात ज्वनागु दु धका महानगरीय प्रहरी परिसर येँया डीएसपी प्रमेश विष्टं जानकारी बिःगु दु।

वयकःया कथं वया नाप एटीएम मेसिन तछ्यायेगु लागि छ्यलिइगु छगु पाइप रेन्ची, छगः मुगः व छगः पिलास बरामद याःगु दु ।

Categorized in अपराध