२०७७ माघ ५, सोमबार

अस्ट्रेलियां ३३८ रनय् अलआउट

लहनान्युज | थिंंलागा दशमी ११४१, २४ गते शुक्रवाः

भारतनाप स्वगुगु टेस्टया न्हापागु पारीइ अस्ट्रेलियां ३३८ रन दय्कूगु दु। सिड्नी क्रिकेट मैदानय् जुगु कासाय् अस्ट्रेलियाया लागि स्टिभ स्मिथं सानदार शतकीय पारी म्हितूगु दु।

स्मिथं २२६ बलय् १६ चौकाया ग्वाहालिं १३१ रन दय्कूगु खः। अथेहे मार्नस लाबुशेन न ९१ रन व विल पुकोस्की न ६२ रनया योगदान याःगु खः। अस्ट्रेलियां ३३८ रनय् रोके यायेत स्पिनर रविन्द्र जडेजां ६२ रन बिया प्यःगु विकेट काःगु खः। अथेहे जसप्रित बुमराह–नवदीप सैनीपिन्स निगु निगु विकेट काःगु खःसा मोहम्मद सिराज छगु विकेट काःगु खः।

न्हापागु पारीइ ब्याटिङ सुरु यागुलि भारत निगु विकेटया क्षतिइ ९६ रन दय्कूगु दु ।श ुभमन गिल ५० व रोहित शर्मा २६ रनय् आउट जूगु दु।

अस्ट्रेलियाया लागि जोश हेजलवूड व प्याट कमिन्स नं छगु छगु विकेट काःगु खः। निगु देशं प्यंगु टेस्ट शृङ्खला म्हितीइगुलि छगु तगु कासा त्याका बराबरी जुया च्वंगु दु।

Categorized in कासा