२०७८ बैशाख १, बुधबार

अस्ट्रेलियां आपतकालीन यात्रा प्रतिबन्ध ३ला थप यात

लहनान्युज | सिल्लागाः षष्ठी ११४१, फागुन २० बिहीवाः

अस्ट्रेलियां वंगु मार्चनिसें तःगु आपतकालीन यात्रा प्रतिबन्ध ३ला थप याःगु दु ।
 
अस्ट्रेलियन स्वास्थ्य संरक्षण प्रमुख कमिटी (एएचपीपीसीं) सरकारयात विदेशय् दूगु कोभिड–१९ या हुनिं अझं जोखिम दूगु  धका वइगु जुन १७ तक्क थ्वयान्ह्यःया प्रतिबन्धयात निरन्तरता बिइगु स्वास्थ्य मन्त्री ग्रेग हन्टं जानकारी बियादील ।
 
थः नागरिकयात विशेष कारण बाहेक सरकारया अनुमति मदयेकं यात्रा यायेगुलिइ प्रतिबन्ध तःगु दुसा विदेशी नागरिकयात अष्ट्रेलिया प्रवेशय् नं रोक तःगु दु ।
 
वंगु दच्छि निसें बन्द दूगु अन्तर्राष्ट्रिय सीमाया हुनिं द्वलंद्वःम्ह अस्ट्रेलियन नागरिक विदेशय् तक्यनाच्वंगु दु  । 
 
Categorized in अन्तर्राष्ट्रिय