‘बी’ डिभिजन लिगया कासाय् नयाँबस्ती युवा क्लबया सुखद् सुरुवात
सिल्लाथ्व एकादशी ११४१, फागुन ११ मंगलवाः
सहिद स्मारक ‘बी’ डिभिजन लिग फुटबलय् नयाँबस्ती युवा क्लब त्याकेत ताःलागू दु ।
एन्फा ख्यः सातदोबाटोय जूगु कासाय् नयाँबस्तीं मध्यपुर युथ एसोसिएसनयात २–१ गोल अन्तरं बुकूगु खः । नयाँबस्तीया जित नितिं सचु गुरुङ व अबय धिमालं छगोल–छगोल यात । मध्यपुरया भुपाल सिंह गुरुङं छगोल लितछ्वत ।
कोरोना महामारी जुइवं वंगु दँय् बिचय् हे दिगकूगु शहीद स्मारक ‘बी’ डिभिजन लिग फुटबलया ल्यंदूगु कासात थौंनिसे न्ह्याःगु खः ।
कोरोनाया हुनिं वंगु दँया चैत ५ गते लिग दिउगु खः । ‘बि’ डिभिजन लिग फुटबलया न्ह्यानाच्वंगु सिजनय् १२गू टोलीपिनिगु ब्वति दु ।
धेँधेँबल्लाखय् खुगु कासां १६गू ल्याः तंगु सातदोवाटो युथ क्लब न्हापांगु थासय् लानाच्वंगु दु ।
गूगु थासय् खुमलटार युथ क्लब न्यागू कासां १३गू ल्याः दु धाःसा ११गू ल्याःलिसें बाँसबारी क्लब स्वंगूगु थासय् लानाच्वंगु दु ।