थौंया कासा ब्वाइज युनियन क्लब व नयाँ बस्ती लिसें, झम्सीखेल युथ क्लब व खुमलटार युथ क्लब दथुइ धेंधेंबल्ला जुइगु
लहनान्युज | सिल्लागा पारु ११४१, फागुन १६ आइतवाः
‘बी’ डिभिजन लिग फुटबलय् थौं ब्वाइज युनियन व नयाँ बस्ती दथुइ धेंधेंबल्ला, थौं हे झम्सीखेल व खुमलटारया दथुइ कासा ।
सहिद स्मारक ‘बी’ डिभिजन लिग फुटबलय् थौं नं निगू कासा जुइत्यंगु दु । थौंया न्हापांगु कासाय् ब्वाइज युनियन क्लब व नयाँ बस्ती लिसें निगूगु कासाय् झम्सीखेल युथ क्लब व खुमलटार युथ क्लब दथुइ धेंधेंबल्ला जुइ ।
बि डिभिजन लिग अन्तर्गत म्हिगःया निगुलिं कासा गोल मजुसें ज्वलिन्ज्वःलय् दिउगु दु ।
यलःस्थित एन्फा ख्यःलय् जूगु कासाय् पुल्चोक स्पोर्ट्स क्लबं श्री भगवती क्लबलिसे व निगूगु कासाय् बाँसबारी क्लबं श्री कुमारी क्लबलिसे् गोल मयासें ज्वलिन्ज्वः म्हितिगु खः ।
म्हिगःया कासालिपा बि डिभिजन लिगय् ७ गू कासां १९ल्याः मुना सातदोबाटो युथ क्लब शिर्ष थासय् दूबलय् निगूगु थासय् दूगु खुमलटारया १६गू ल्याः जूगु दु ।
३गूगु थाय्या बाँसबारीया १५गू ल्याः दु । १२गू टोली दुथ्यागु बि डिभिजन लिग फुटबलय् मध्यपूर युथ एशोशिएशन व पुल्चोक स्पोर्ट्स क्लब रेलीगेशन क्षेत्रय् द्ु ।
Categorized in कासा
