२०७७ माघ ५, सोमबार

बार्सिलोना स्पेनिस सुपर कपया फाइनलय्

डंगोल | पोहेलाथ्व पारु ११४१, माघ १ बिहीवाः

रियाल सोसिडाडयात बुका बार्सिलोना स्पेनिस सुपर कप फुटबल धेेंधेंबल्लाया फाइनलय् थ्यंगु दु ।
वंगु चान्हय् जूगु कासाय् सोसिडाडयात टाइब्रेकरय् ३–२गूया गोल अन्तरं बुका बार्सिलोना सिजनया न्हापांगु उपाधि लिक्कसं थ्यंगु खः ।
क्वजिनातःगु ईया कासा १गू–१गू गोलया ज्वलिन्ज्वः जुइधुंका कासा अतिरिक्त इलय् थ्यंगु दु । थप ३०गू मिनेटय नं गोल मजुइधुंका कासा टाइब्रेकरय् थ्यंगु खः ।
टाइब्रेकरय् बार्सिलोनाया गोलरक्षक टेर स्टेगनं निगू प्रहार पना टोलीयात फाइनलय् थ्यंकेत महत्वपूर्ण भूमिका म्हितूगु खः ।
बार्सिलोनां आः फाइनलय् एथ्लेटिक बिल्बाओ व रियाल मड्रिड दथुइ जुइगु कासाया त्याकमिलिसे म्हितिइ ।
बार्सिलोना मुक्कं १४क्वःखुसिइ स्पेनिस सुपर कप उपाधि त्याकेगु आज्जुइ न्ह्यज्यागु दु ।
साविक त्याकुमि रियाल माड्रिडं ११क्वःखुसिइ स्पेनिस सुपर कप त्याकुगु दु ।
 
Categorized in कासा