थौं च्वनिइगु धका धाःगु वाग्मती प्रदेशसभाया बैठक स्थगित जूगु दु। बैठक थौं न्हिनसिया २ बजेया लागि तय जूगु खः ।

प्रदेशसभा सचिवालय नं थौं विशेष कारण क्यना बैठक स्थगित याःगु खः। बैठक आः वइगु फागुन २ गते च्वनिइगु धका प्रदेशसभा सचिव कृष्णहरि खड्कां जानकारी बिःगु दु। थ्व स्वया न्ह्यः माघ ९ गते च्वंगु प्रदेशसभाया बैठकय् मुख्यमन्त्री डोरमणि पौडेलविरुद्ध दर्ता जूगु अविश्वास प्रस्तावय् सामान्य सहलहयासे स्थगित याःगु खः ।

वइगु बैठकय् मुख्यमन्त्री पौडेलविरुद्ध दर्ता जूगु अविश्वास प्रस्तावया प्रक्रियाय् सहलहया प्रारम्भ जुगु खः। वाग्मती प्रदेशसभाय् नेकपाया ८०म्ह, नेपाली कांग्रेसया २२म्ह, साझा विवेकशील दलया स्वम्ह, राप्रपाया निम्ह, नेपाल मजदूर किसान पाटीया निम्ह व स्वतन्त्र छम्ह याना ११० म्ह सदस्यपि दु।

Categorized in राष्ट्रिय