२०८० चैत्र १५, बिहिबार

ओली अध्यक्ष जुगु पार्टी हे वैधानिक खः नेता पोखरेल

लहनान्युज | थिंंलागा अष्टमी ११४१, बुधवाः २२ गते

नेपाल कम्युनिस्ट पार्टी (नेकपा) ओली समूहया नेता ईश्वर पोखरेलं पूर्वसम्झौताया पालना यासे एकताया पक्षय् दनेत नेता कार्यकर्तापिन्त इनाप यानादीगु दु।

सिन्धुलीइ थौं बुधवाः पार्टी नेता व कार्यकर्तापि नाप भेटघाटया ज्याझ्वलय् वयकलं पार्टी एकता, कम्युनिस्ट एकता, देश व जनताया हितया लागि आवश्यक दु धका धयादीसे दक्को नेता व कार्यकर्तापिन्त पार्टी विभाजन मयासे एकताया पक्षय् दनेत इनाप यानादीगु खः।

विगतय् कम्युनिस्ट पार्टीया फुटपाखे सयेका न्ह्यने वना नेकपा थुगु इलय् नेतापि आरोप प्रत्यारोपय् वनेगु गलत खः धका धयादीसे वयकलं जनता न्ह्यने यथार्थ खँ यकेत इनाप यानादीसे, पार्टी एकताया पक्षय् याःगु सम्झौता व छु छु कार्यान्वयन जुगु वा मजुगु छाय् मजुगु धका न्यनेत पार्टी नेतृत्वयात इनाप यानादीगु खः। आरोप प्रत्यारोपं कम्युनिस्ट आन्दोलनया उपलब्धि पूरा जुइ मखु नेतृत्वयात सु ना न तुच्छ वचनं ब्बो मबिइत तक इनाप यानादीगु खः ।

पार्टीया बैठक महासचिवं अध्यक्षया सहमतिइ सःतिगु खः व निर्णय यायेगु विधि जुगुलि केपी शर्मा ओली अध्यक्ष जुगु पार्टी हे वैधानिक जुगु धका धयादीगु खः। वयकलं ‘सुखी नेपाली समृद्ध नेपाल’ दयेकेगु महान् अभियानय् वनेत व उत्तेजनाया लिउने मवनेत न कार्यकर्तापिन्त इनाप यानादीगु खः ।

Categorized in राजनीति