उपाधि दाबेदार बार्सिलोनाया शानदार जित, डिपोर्टिभो एलाभेस ५–१ गोलं बुत
सिल्लाथ्व तृतीया ११४१, फागुन २ आइतवाः
स्पेनिस ला लिगा फुटबलय् उपाधि दाबेदार बार्सिलोनां शानदार जित ल्हातय् लाकूगु दु । वंगु चान्हय् जूगु कासाय् बार्सिलोनां डिपोर्टिभो एलाभेसयात ५–१ गोल अन्तरं बुकूगु खः ।
बार्सिलोनायात त्याकेत कप्तान लियोनल मेस्सी व ट्रिन्काओं २÷२ अले जुनियर फिर्पों १ गोल यात । डिपोर्टिभोया लुइस रिओजां १ लित बिल ।
कासा त्याःगुलिसें बार्सिलोना निगूगु थासय् थहांवंगु दु । बार्सिलोनां २२ कासाय् ४६ ल्याः स्वाःगु दु । डिपोर्टिभो २२ ल्याःलिसें १६ थासय् दु ।
