स्पेनिस ला लिगा फुटबलय् बार्सिलोना त्यात
चौलाथ्व तृतीया ११४१, चैत्र ३ मंगलवाः
स्पेनिस ला लिगा फुटबल अन्तर्गत वंगु चान्हय् जूगु कासाय् बार्सिलोना त्यागु दु । वंगु चान्हय् जूगु कासाय् बार्सिलोनां हुयस्कायात ४–१गूया गोल अन्तरं बुकुगु खः ।
बार्सिलोना त्यागुलिइ लियोनन मेस्सीया निगू गोल दुथ्यागु दु । अथेहे एन्टोनी ग्रिजम्यानं व ओस्कार मिन्गुएजां छगू छगू गोल याःगु खः । हुएस्काया नितिं राफा मिरं छगू गोल याःगु खः ।
कासा त्यायेधुंका निगूगु थासय् थ्यंगु बार्सिलोनाया २७ गू कासां ५९ गू ल्याः जूगु दु । ५७ गू ल्याः नापं रियल मड्रिड ३गूगु थासय् दु । शीर्ष थाय्या एथ्लेटिको मड्रिडया ६३ गू ल्याः जूगु दु । हुयस्का २०गू ल्याः मुना धलःया दक्वःलय् लिउने दु ।
थ्वहे दथुइ थ्व कासालिसें मेस्सीं बार्सिलोनापाखें ७सः व ६७गूगु कासा म्हितूगु दु । थ्व नापं मेस्सीं े बार्सिलोनां दक्वःलय् आपा कासा म्हितूम्ह जाभीया कीर्तिमानय् ज्वलिन्ज्वः याःगु दु ।
Categorized in कासा
