“प्रधानमन्त्री केपी शर्मा ओली नेपाली हिटलर ख” : नायः भट्टराई
चिल्लाथ्व नवमी, ११४१, चैत्र ८ आइतबाः
पूलाँम्ह प्रधानमन्त्री एवं जनता समाजवादी पार्टी नेपालया संघीय परिषद नायः बाबुराम भट्टराईं प्रधानमन्त्री केपी शर्मा ओलीयात हिटलरको छुमां बियादिगु दु ।
सामाजिक सञ्जाल ट्वीटरय् भट्टराईं प्रधानमन्त्री ओलीयात नेपाली हिटलरया छुमा बियादिगु खः । “नेपाली हिटलरया उदय जुयाच्वंगु दु, वय्कलं पार्टी, राज्यया शक्ति थः पाखे केन्द्रीत याना दक्वःसित खड्ग कयेकिइ, होशियार ।” भट्टराईया ट्वीटय् च्वयातःगु दु ।
एमाले नायःलिसें प्रधानमन्त्री ओलीयात लिपांगु दिंलय् शक्ति केन्द्रीकृत यानाच्वंगु द्वपं लानाच्वंगु दु । ओलीपाखे भट्टराई लिपांगु ईलय् आक्रामक खनेदूगु खः ।
वय्कलं ओलीयात प्रधानमन्त्रीपाखें याकनं हे विदा यायेमाःगु धयावयाच्वंगु दु ।
