प्रहरीं भागरथी भट्टयात स्याःगु द्वंपनय् छम्हेसित ज्वना सार्वजनिक यात, गप तिना स्यानागू अभियुक्तया स्वीकारोक्ति
सिल्लाथ्व षष्ठी ११४१, फागुन ५ बुधवाः
बैतडीया दोगडाकेदार गाउँपालिकाया ल्यासेमचा १७दँया भागरथी भट्टयात स्याःगु द्वंपनय् छम्हेसित ज्वना सार्वजनिक याःगु दु थौं न्हिनय् जिल्ला प्रहरी कार्यालय बैतडीइ पत्रकार सम्मेलन याना अभियुक्त सार्वजनिक याःगु खः ।
भट्ट स्याःगु १३न्हुलिपा घटनाय् दुथ्याःगु आशंकाय् प्रहरीं छम्हेसित ज्वंगु खः । ज्वंम्ह दिनेश भट्ट भागरथीनाप छगु हे ब्वनेकुथी ११गु तगिंमय् आखः ब्वनीम्ह जूगु प्रहरीं धागु दु ।
सुदुरपश्चिम प्रहरी प्रमुख डीआइजी उत्तमराज सुवेदीं पत्रकार सम्मेलनय् दिनेश भट्टं भागरथी भट्टयात स्याःगु जानकारी बियादिल ।
प्रहरीं सनातन धर्म माध्यमिक विद्यालय कक्षा ११ या तगिंमय् ब्वनाच्वम्ह दिनेश भट्टयात ज्वना अदालतं म्याद थप याना अनुसन्धान न्ह्याकेधुंकूगु दु । दिनेशं स्यानागु स्वीकार तकं यायेधुंकूगु डीआइजी सुवेदीं धयादिल ।
प्रहरीं दिनेशं जःछिपाः २ ताः ईलय कक्षाकोठां पिहाँवना भागरथीया हत्या यायेगु योजना अनुसार घटनास्थलपाखे वंगु धाःगु दु ।
भट्टं भागरथी वय्धुंका सतकं क्वये घ्वानाछ्वया गफ तिया स्याःगु पत्रकार सम्मेलनय् डीआइजी सुवेदीं जानकारी बियादिल ।
थ्वहेदथुइ भागरथीया छेँजलं दोषीयात कारबाही मयाःतले सीम्ह लःल्हाना मकायेगु अडान तःगुलिं सीम्ह आः न जिल्ला अस्पताल बैतडीइ हे दु ।
Categorized in अपराध
