थौं शुक्रवाः सार्वजनिक जुम्ह विप्लव समूहया महासचिव नेत्रविक्रम चन्द विप्लवं थःगु वार्ता टोलीया सदस्यपि नाप लाःगु दु ।

सरकार व विप्लव समूह नाप वार्ता टोली दथुइ बिहीवाः जुगु स्वगु ३ बुँदे सहमतिइ शुक्रवाः ल्हाचिं तइगु ज्याझ्वः दु । हस्ताक्षर समारोह सुरु जुइ न्ह्य बिप्लवं थःगु वार्ता टोली दुपि खड्गबहादुर विश्वकर्मा व उदय चलाउनेयात नापलाःगु खः ।

उगु भेटघाटय् शुक्रवाः हे हिरासतपाखे रिहा जुम्ह नेता धर्मेन्द्र वास्तोला न सहभागी जुगु दु। विप्लव हस्ताक्षर ज्याझ्वलय् सहभागी जुइत शुक्रवाः हे नवलपरासीपाखे गाडी च्वना येँ वःगु खः ।

राष्ट्रियसभागृहय् जुइगु हस्ताक्षर ज्याझ्वलय् प्रधानमन्त्री केपी शर्मा ओली व विप्लवं सम्बोधन याइगु ज्याझ्वः दु ।

Categorized in राजनीति