जर्मन बुन्डेसलिगाय् आरबी लाइप्जिग त्यात
सिल्लाथ्व द्धितिया ११४१, फागुन १, शनिबाः
जर्मन बुन्डेसलिगाय् आरबी लाइप्जिगं अग्सवर्गयात बुकाब्यूगु दु । घरेलु ख्यलय् जूगु कासाय् लाइप्जिगं अग्सवर्गयात २–१ गोलं बुकाब्यूगु खः ।
लाइप्जिगयात त्याकेत ड्यानियल ओल्मो व क्रिस्टोफेर एनकुकुं गोल यात । अग्सवर्गया ड्यानियल कालिलगुइरीं गोल याःसा टिमयात हारपाखें तापाकेमफुत ।
कासा त्याःगुलिसें लाइप्जिगं शीर्ष थासय् दुगु बायर्न म्युनिखलिसेया दुरी ४ ल्याखय् क्वकाःगु दु । लाइप्जिगया २१ कासापाखें ४४ ल्याः थ्यंगु दु । छगू कासा म्ह्वः म्हितूगु शीर्ष थाय्या वायर्नया ४८ ल्याः दु ।
ूबूगु अग्सवर्ग २२ ल्याः मुंकाः १३ थासय् दु ।
थुखे, स्पेनिस ला लिगाय् सेल्टा डी भिगों इल्चेयात ३–१ बुकाब्यूगु दु । सेल्टायात त्याकेत सान्टी मिनां २ अले ब्रेइस मेन्डिजं १ गोल यात ।
इल्चेया इमिलियानो रिगोनीं १ गोल लितबिल । कासा त्याःगुलिसें सेल्टा २३ कासां २९ ल्याः मुंकाः ९गूगु थासय् थहांवंगु दु । बूृगु इल्चे २१ कासां १८ ल्याः मुंकाः १९ थासय् दु ।
Categorized in कासा
