बुण्डेसलिगा फुटबलया उपाधि बार्यन म्युनिखयात
चौलागा त्रयोदशी ११४१, वैशाख २६ आइतबाः
बार्यन म्युनिख जर्मन बुण्डेसलिगा फुटबलया च्याम्पियन जूगु दु । वंगु चान्हय् जूगु कासाया उपाधिनाप बार्यन मदिक्क गुक्वःतकया सिजनय् च्याम्पियन जूगु खः ।
रोबर्ट लेवान्डोस्कीया ह्याट्रिक गोलय् बोरुसिया मोन्चेङ्ग्लाडवाचयात ६–० गोल अन्तरं बुकूगु दु । कासा बुकाः बार्यन म्युनिख निगू कासा ल्यंदनीबलय् हे च्याम्पियन जूगु खः । लिक्कया दाबेदार आरबी लेइप्जिग बोरुसिया डर्टमुण्डनाप ३–२ गोलं बुइवं बार्यनया उपाधि पक्का जूगु खः ।
उपाधि पक्का जूगुनाप कासाय् बार्यनं बोरुसिया मोन्चेङ्ग्लाडवाचयात बागू दर्जन गोल नकूगु दु । मदिक्क गुक्वःगु सिजनया उपाधि पक्का याःगु बार्यनया ३२गू कासापाखें ७४गू ल्या दु । निगूगु थासय् दुगु आरबीया ६४गू ल्या दु ।
