काराबाओ कप फुटबलया उपाधि म्यान्चेस्टर सिटीयात
चौलाथ्व चतुर्दशी ११४१,बैसाख १३ सोमवाः
थुगुसिइया इंग्लीश लिग कप फुटबलया उपाधि म्यान्चेस्टर सिटीं त्याकुगु दु ।
काराबाओ कप नं धाइगु उगु धेंधेंबल्लाया फाइनलय् टोटनह्यामह हट्सपरयात १–०या गोल अन्तरं बुका सिटीं उपाधि त्याकुगु खः ।
वेम्बले रंगशालाय् वंगु चान्हय् जूगु कासाय् सिटीयात त्याकाबिइत आयमेरिक लापोर्तें ८२गूगु मिनेटय् निर्णायक गोल याःगु खः ।
कासा त्यागु नापं सिटीं मदिक्क ४क्वःखुसिइ व मुंक्कंलय् ८क्वःखुसिइ काराबाओ कपया उपाधि त्याकुगु खः । सिटीं दक्वःलय् आपा काराबाओ कप त्याकुमि लिभरपुललिसे ज्वलिन्ज्वः त कं याःगु दु ।
म्यान्चेस्टर सिटी न्ह्यानाच्वंगु सिजनया इंग्लीश प्रिमियर लिगया नं शिर्ष थासय् दु । अथेहे सिटी युरोपियन च्याम्पियन्स लिगया नं सेमिफाईनलय् थ्यंगु दु ।
Categorized in कासा
