२०८० चैत्र १६, शुक्रबार

स्रोत खुले मजुगु ध्यव नाप निम्हेसित प्रहरी ज्वन

लहनान्युज | सिल्लाथ्व त्रयोदशी ११४१, फागुन १३ बिहीवाः

स्रोत खुले मजुगु २५ लाख ३५ हजार रुपैयाँ नाप बाराय् प्रहरीं निम्ह भारतीय नागरिकयात ज्वःगु दु। भारत बिहार पूर्वी चम्पारण ग्राम पञ्चायत नरकटिया–७ च्वम्ह ३५ दँया चन्द्र शेखर प्रसाद व ३८ दँ दुम्ह सञ्जय कुमारयात ज्वःगु खः। फागुन १२ गते सुथय् ११ः३० बजे कलैया–मटिअर्वा सडकखण्ड अन्र्तगत कलैया उपमहानगरपालिका– ८ बरेवा त्वालय् चेकजाँच यायेगु झ्वलय् उपि नाप उगु ध्यवा न ज्वःगु धका जिल्ला प्रहरी कार्यालय बाराया प्रहरी निरीक्षक. जानकारी बिःगु खः ।

बीआर०५के ०७९८ नम्बर मोटरसाइकलया डिक्किइ सुचुका हःगु खः । उपि नाप द्धःछि वःगु १,७७२ पाः, न्यासः वःगु १,५२६ पाः याना २५ लाख ३५ हजार रुपैयाँ बरामद यानागु धका प्रहरीं धाःगु दु । उगु ध्यवाया बारेय्  न्यनेकने याःगु इलय् स्रोत खुलेमजुगुलि निम्हेसित ज्वना नियन्त्रणय् कया माःगु अनुसन्धान सुरु यानागु दु धका जिल्ला प्रहरी कार्यालय बारां थौं बिहीवाः पत्रकार सम्मेलन यासे जानकारी बिःगु दु ।

Categorized in अपराध