चाडया राष्ट्रपति इद्रिस डेबी विद्रोही लिसे जूगु ल्वापुई मन्त
चौलाथ्व अष्टमी, ११४१, वैशाख ७ मंगलबाः
अफ्रिकी देय् चाडया राष्ट्रपति इद्रिस डेबी विद्रोही लिसे जूगु भिडन्तय् सीगु दु । लिवियाया सीमाय् स्वाःगु उत्तरी क्षेत्रय् सेना व विद्रोही दथुई जूगु ल्वापुइ राष्ट्रपति डेबीया मृत्यु जूगु सेना न्ह्यथंगु दु ।
राष्ट्रपतिया मृत्युलिसें सरकार व संसद क्वथःगु दु । सैन्य परिषद्ं वइगु १८लाः देय्यात कजय् काइगु जूगु दु । राष्ट्रपति डेबी वंगु वालय् लिवियालिसे स्वाःगु सीमा लिकसं थासय् विद्रोहीलिसे ल्वापु जुयाच्वंगु थाय्या क्याम्पय् झाःगुखः ।
उगु हे ईलय् बोर्डर पोष्टय् व्रिदेहीपिन्त हताः याःगु खः । शनिवाः न्ह्याःगु ल्वापूइ स्वसः सिबें अप्वः विद्रोही त ज्वंगु खः । सेनाया जर्नेलं उगु ल्वापुइ न्याम्ह सेना सीगु व ३६म्ह घाःपाः जूगु धाःगु दु ।
अप्रिल ११य् जूगु प्रान्तिय निर्वाचनय् डेबीं ८० प्रतिशत मत कायेत ताःलाना खुक्वःखुसीया कार्यकाल सम्हाले याइगु प्रक्षेपण याःगु खः । अफ्रिकाय् दक्वले अपाः ताःईतक्क सत्ताय् च्वनाच्वम्ह डेबी सन् १९९० य् सत्ता झाःगु खः ।
