च्याम्पियन्स लिगय् डर्टमण्ड वं पोर्टो त्यात, युभेन्टस् बुत
सिल्लाथ्व षष्ठी ११४१, फागुन ६ बिहीवाः
युरोपियन च्याम्पियन्स लिग फुटबलय् वंगु चान्हय् जर्मनीया बोरुसिया डर्टमण्डं स्पेनया सेभियायात बुकाब्यूगु दु ।
राउण्ड अफ सिक्सटिनया न्हापांगु लेगया कासाय् डर्टमण्ड ३–२ गोलं त्याःगु खः । कासाय् डर्टमण्डयात त्याकेत अर्लिङ ब्रट हाल्याण्डं २ गोल याःबलय् मोहोमद दाहुदं १ गोल यात ।
सेभियाया सुसो व लुक डे योङं १÷१ गोल याःगु खः । सेभियाया ख्यलय् ल्हातय् लाकूगु अवे जितलिसें बोरुसिया डर्टमण्डं निगूगु लेगया कासा न्ह्यः हे अग्रता काःगु दु ।
वंगु चान्हय् जूगु मेगु कासाय् इटालीया युभेन्टसयात पोर्चुगलया एफ.सी पोर्टों २–१ गोलं बुकाबिल । पोर्टोयात त्याकेत मेहेदी तारेमी व मौसा मारेजां १÷१ गोल यात । युभेन्टसया फेडेरिको चिएसां १ गोल लितबिल ।
Categorized in कासा
