च्याम्पियन्स लिग फुटबलय् चेल्सी व बायर्न विजयी
सिल्लाथ्व द्धादशी ११४१, फागुन १२ बुधवाः
युरोपियन च्याम्पियन्स लिग फुटबलय् वंगु चान्ह्य्या कासाय् चेल्सी व बायर्न म्युनिख त्यागःगु दु । राउण्ड अफ सिक्सटिनया न्हापांगु लेगया कासाय् चेल्सी १–० नां त्याःगु खः ।
स्पेनया एथ्लेटिको मड्रिडयात वया हे ख्यःलय् बुकेत चेल्सीया ओलिभर जिरुं निर्णायक गोल यात । फ्रेन्च कासामी जिरुं ६८गू मिनेटय् गोल याना निगूगु लेगया चेल्सीलाई न्ह्यःने लाकुगु खः ।
वंगु चान्ह्य् जूगु मेगु कासाय् जर्मनीया बायर्न म्युनिखं इटालीया लाजियोयात ४–१ गोलं बुकल । कासाय् बायर्नयात त्याकेत रोबर्ट लेवान्डोस्की, जमाल मुसियाला व लेरोए सानें छगोल छगोल याःगु खः ।
लाजियोया फ्रान्सेस्का अकार्बीं छगू आत्माघाति गोल यायेधुंका बायर्न ४–१ गोलं त्याःगु खः । लाजियोया नितिं धाःसा वाकिन कोरियां छगोल लिछ्यात ।
च्याम्पियन्स लिग फुटबलमय् थौं चाहन्य् निगु कासा जुई । स्पेनया रियाल मड्रिडं इटालीया एटलान्टालिसे म्हितिसा जर्मनीया बोरुसिया एम्ब्याच व इंग्ल्याण्डया म्यान्चेस्टर सिटी दथुई धेँधेँबल्ला जुई ।
Categorized in कासा
