लेस्टर सिटीं चेल्सीयात २–० गोल अन्तरं बुकल
डंगोल | पोहेलाथ्व सप्तमी ११४१, माघ ७ बुधवाः
चेल्सीय् अःपुक्क बुकाः लेस्टर सिटी इंग्लिस प्रिमियर लिगया दकले न्ह्यःनय् थ्यन ।
घरेलु ख्यलय् जूगु कासाय् चेल्सीयात २–० गोल अन्तरं बुकूगु खः । लेस्टरं म्यानचेस्टर युनाइटेड व म्यानचेस्टर सिटीयात न ल्यूनय् लाकाः प्रिमियर लिगया दकले न्ह्यःनय् थ्यंकेत ताःलाःगु दु ।
लेस्टरया नितिं विलफ्रेड एनडिडि व जेम्स म्याडिसनं गोल नकूगु खः । दकले न्ह्यःनय् थ्यंकूगु लेस्टरया १९गु कासापाखें ३८गु दु ।
छगु कासा म्ह्वों म्हितूगु युनाइटेडया ३७गु अले निगु कासा म्ह्वों म्हितूगु सिटीया ३५गु ल्या दु । कासा बूगुनाप चेल्सीया २९गु ल्या जूगु दु ।
थ्वनाप च्यागूगु थासय् यथावत जूवन । आः वयाः दकले न्ह्यःनय् दुगु लेस्टरनाप चेल्सी ९गु ल्यां ल्यूनय् लाःगु दु ।
Categorized in कासा
