चेल्सीं टोटनह्यामयात बुकल, ल्याधलःया खुगूगु थासय् चेल्सी
पोहेलागा अष्टमी ११४१, माघ २३ शुक्रवाः
इंग्लीश प्रिमियर लिग फुटबलय् चेल्सीं टोटनह्याम हट्सपरयात बुकूगु दु । वंगु चान्हय् टोटनह्यामया मैदानय् जूगु कासाय् चेल्सी १–० गोल अन्तरं त्याःगु दु ।
कासाया २४गूगु मिनेटय् जर्गीनों पेनाल्टीमार्फत याःगु गोलं हे चेल्सीयात त्याकेब्यूगु दु । कासा त्याकाः चेल्सी २२गु कासापाखें ३६गु ल्या मुंकाः धलःया खुगूगु थासय् थ्यन ।
ज्वःलाक्क कासा म्हिताः ३८गु ल्या मुंकूगु वेष्ट ह्याम युनाईटेड न्यागूगु थासय् वदु । प्रिमियर लिगया २१गु कासापाखें ४७गु ल्या दयेकूगु म्यानचेस्टर सिटी शीर्ष थासय् दुबलय् छगु कासा उप्वः म्हितूगु म्यान्चेस्टर युनाईटेड, ४४गु ल्यानाप निगूगु थासय् दु । स्वंगूगु थासय्च्वंगु लेष्टर सिटीया ४२गु ल्या दु ।
४०गु ल्यानाप साविक त्याकूमि लिभरपुल प्यंगूगु थासय् दु ।
Categorized in कासा
