काय्यात अपहरण याना फिरौती माग याःगु द्वपनय अबु व पाजुयात ज्वन
लहनान्यूज | सिल्लाथ्व नवमी ११४१, फागुन ९ आइतवाः
थः काय्यात अपहरण याना फिरौती माग याःगु द्वपनय् अबुलिसें खुम्हेसित ज्वंगु दु ।
धनुषा नगराइनय् च्वंम्ह मचायात अपहरण याःगु द्वपनय् अबु रमेश साह, पाजु व अपहरण याना तयातःम्ह धनुषाया मञ्जुदेवी ठाकुरलिसें ६म्हेसित प्रहरीं थःगु कजय् काःगु खः ।
रमेशं थः ६दँया काय् अपहरण याना मचाया बाज्यालिसे छगू क्वःति ध्येबा फिरौती माग याःगु खः ।
प्रदेश प्रहरी ज्याकूया प्रहरी निरीक्षक उमाशंकर साहया नेतृत्वय् प्रहरीया टोलीं अपहरित मचायात न्हेघौ दुने हे जनकपुरधामया माछा बजाः लिकसं तयातःगु अवस्थाय् सकुशल उद्धार याःगु खः ।
थप अनुसन्धान भइरहेको प्रहरीले जनाएको छ ।
रमेश दासया ७दँया काय् चन्दन शनिबाः न्हिनसिया छताः ईलंनिसें तंगु खः । सनिलय् वय्कया छेँ मचा अपहरण यानागु व छगू क्वःति फिरौती माःगु धकाः फोन वःगु खः ।
“फिरौती माग जुइवं मचा अपहरणय् लात धैगु खँ पिहाँवःगु खः” प्रहरी प्रमुख डिआईजी धिरजप्रताप सिंहं धयादिल । “अले याकन हे प्रहरी टोली खटेजुया मचायात जनकपुरधामपाखें लुईका हया” वय्कलं धयदिल ।
थुकिया थप अनुसन्धान जुयाच्वंगु दु ।
