चीनं बिउगु अनुदान अक्सिजन येँय थ्यन
चौलागा आमै ११४१, बैसाख २८ बुधवाः
चीनया बेइजिङं प्यसः अक्जिन सिलिन्डरलिसें नेपाल एयरलाइन्सया जहाज यँेया त्रिभुवन विमानस्थल थ्यंगु दु ।
नेपाल एयरलाइन्सया महाप्रबन्धक डीम प्रकाश पौडेलया कथं उगु जहाजं प्यसं सिलिन्डर, १६०गः अक्सिजन कसन्नटेटर, १०गः भेन्टिलेटर याना थ्यंमथ्यं ३०गू टन सामानलिसें येँ थ्यंगु खः ।
उगु उडानय् प्यम्ह पाइलटलिसें चालक दलया १४म्ह दुजःपिं दूगु खः । आः उगु सामान थ्यनेवं मेगु सामान हयेत नेपला एयरलाइन्सया जहाज तयारी अवस्था च्वनेत नं महाप्रबन्धकं उजं बिउगु दु ।
चीनं अनुदान कथं २०द्वः अक्सिजन सिलिन्डरमध्ये प्यसः थौं थ्यंगु खः ।
