२०८० चैत्र १६, शुक्रबार

चीनं हःगु भेरोसेल खोप थौं निसें बिइगु

चिल्लागा, प्रतिपदा ११४१, चैत्र ३१ गते मंगलबाः

चीनं हःगु कोरोनाविरुद्धया खोप भेरोसेल ४०दँ निसें ५९दँया सर्वसाधरणयात थौंनिसें न्ह्याकूगु दु ।
 
थौंनिसें चालक व सहचालकलिसें अत्यावश्यक सेवाय् जुयाच्वंपिं १८दँनिसें ६०दँया नेपालीपिन्त खोप बिइगु निर्णय याःगु स्वास्थ्य तथा जनसंख्या मन्त्रालयं न्ह्यथंगु दु ।
 
स्वास्थ्यकःमी फार्मेसीया कर्मचारी, सार्वजनिक यातायातया चालक व सहचालकलिसें अत्यावश्यक सेवाय् जुयाच्वंपिं मनुतय्त चिनियाँ खोप बिइगु ज्याझ्वः दु ।
 
अथेहे ४०दँनिसें ५९दँया सर्वसाधरणपिन्सं नं खोप केन्द्रय् वना कोरोनाविरुद्धया खोप कायेफइगु मन्त्रालयं न्ह्यथंगु दु । थ्व खोप थौंनिसें वैशाख ५ गतेतक्क थीथी २३गू केन्द्रपाखें कायेफइगु मन्त्रालयं धाःगु दु ।
 
चीन अनुदानकथं बिउगु च्यागू लखः डोज खोप चैत १६ गते यँ थ्यंगु खः । 
 
Categorized in राष्ट्रिय