सिटी व रियाल थ्यन च्याम्पियन्स लिग फुटबलया सेमिफाइनलय्
चौलाथ्व तृतीया ११४१,बैसाख २ बिहीवाः
इंग्लीश च्याम्पियन लिभरपुलयात छखे लाकुसें रियाल मड्रिड युरोपियन च्याम्पियन्स लिग फुटबलया सेमिफाइनलय् दुहाँवंगु दु ।
वंगु चान्हय् लिभरपुलया ख्यःलय् जूगु क्वाटरफाइनल निगूगु लेगया कासा गोल मजुसें ज्वलिन्ज्वःलय् दिउगु नापं रियाल मड्रिड सेमिफाइनलय् थ्यंगु खः ।
थःगु हे मैदानय् जूगु न्हापांगु लेगया कासाय् रियाल मड्रिडं लिभरपुलया ३गू–१गूया गोल अन्तरं बुकुगु खः । वंगु चान्हय् जूगु मेगु कासाय् जर्मनीया बोरुसिया डटर्मण्डयात २गू–१गूया गोल अन्तरं बुकुगु म्यान्चेस्टर सिटी नं सेमिफाइनलय् थ्यंगु दु ।
थःगु हे मैदानय् जुगु न्हापांग्ु लेगया कासा नं २गू–१गूया गोल अन्तरं हे त्याकुगु म्यान सिटीं मुक्कंलय् कासा ४गू–२गूया गोल अन्तरं थःगु पक्षय् लाकुगु खः ।
वंगु चान्हय्सिया कासा नापं युएफा च्याम्पियन्स लिग फुटबल धेंधेंबल्लाया सेमिफाइनल समिकरण पूवंगु दु । सेमिफाइनलय् पेरिस सेन्ट जर्मेन व म्यान्चेस्टर सिटी अले रियाल मड्रिड व चेल्सी दथुइ धेंधेंबल्ला जुइ ।
